டெல்லி: இந்தியாவில் சுதந்திர தினம் வரும் ஆகஸ்ட் 15 அன்று கொண்டாடப்பட இருக்கிறது. இந்நிலையில் தற்போது ஆயிரக்கணக்கான குழந்தைகளால் உலகிலேயே மிக நீளமான மூவர்ணக் கொடி காட்சிப்படுத்தப்பட உள்ளது. இதனை டெல்லி முதலமைச்சர் அரவிந்த் கெஜ்ரிவால் இன்று (ஜூலை 29) ஊடகங்களுக்கு தெரிவித்தார். ஆகஸ்ட் 4 ஆம் தேதி நடைபெற உள்ளதாக அறிவித்துள்ளார்.
இது குறித்து ஊடகங்களிடம் பேசுகையில், ‘இந்தியா சுதந்திரம் அடைந்து 75 ஆண்டுகள் கடந்து விட்டது. நாம் யாருக்கும் சளைத்தவர்கள் இல்லை. கடவுள் இந்தியாவிற்கு அனைத்தையும் வழங்கியுள்ளார். ஆறுகள், மலைகள், மூலிகைகள் மற்றும் பயிர்கள் என அனைத்தையும் வழங்கியுள்ளார். இந்தியாவில் அதிக புத்திசாலியான மக்களும் உள்ளனர். இருப்பினும் நாம் ஏன் மற்றவர்கள் பின்னே ஓடிக் கொண்டிருக்கிறோம்’ என கேள்வி எழுப்பினார்.
